வெளியானது விஷாலின் அடுத்த படத்தின் டிரைலர்
- IndiaGlitz, [Friday,September 01 2017]
நடிகர் சங்க, தயாரிப்பாளர் சங்க பணிகள், தங்கையின் திருமணம் ஆகியவற்றின் பிசியிலும் விஷால் தற்போது 'துப்பறிவாளன்', 'இரும்புத்திரை' ஆகிய படங்களில் நடித்து வருகிறார். இந்த நிலையில் மோகன்லால் நடித்து வரும் 'வில்லன்' என்ற மலையாள படத்தில் விஷால் முதல்முறையாக வில்லனாக நடித்து வருகிறார்.
'வில்லன்' படத்தின் படப்பிடிப்பு இறுதிக்கட்டத்தில் உள்ள நிலையில் சற்றுமுன்னர் இந்த படத்தின் டிரைலர் வெளியாகியுள்ளது. த்ரில், சஸ்பென்ஸ் நிறைந்த இந்த படத்தில் விஷால் தமிழிலேயே வசனம் பேசியுள்ளார் என்பது டிரைலரில் இருந்து தெரியவருகிறது.
மோகன்லால், விஷால், மஞ்சுவாரியர், ஹன்சிகா, சித்திக் உள்பட பலர் நடித்துள்ள இந்த படத்தை உன்னிகிருஷ்ணன் இயக்கியுள்ளார். ரஜினியின் 'லிங்கா' படத்தை தயாரித்த ராக்லைன் வெங்கடேஷ் இந்த படத்தை தயாரித்துள்ளார் என்பது குறிப்பிடத்தக்கது.