சூர்யா இடத்தை பிடிக்க விஷால் முயற்சியா?
- IndiaGlitz, [Thursday,December 15 2016]
ஹரி இயக்கத்தில் சூர்யா, அனுஷ்கா, ஸ்ருதிஹாசன் நடிப்பில் உருவாகியுள்ள 'சிங்கம் 3' படத்தின் ரிலீஸ் தேதி டிசம்பர் 23 என்று அறிவிக்கப்பட்ட போதிலும் அதில் மாற்றம் இருக்கலாம் என்று எதிர்பார்க்கப்படுகிறது.
இந்நிலையில் 'சிங்கம் 3' ரிலீஸ் தேதியில் மாற்றம் ஏற்பட்டால் அந்த தேதியில் அதாவது டிசம்பர் 23-ல் விஷாலின் கத்திச்சண்டை' வெளியாக வாய்ப்பு இருப்பதாக கூறப்படுகிறது.
'கத்திச்சண்டை' திரைப்படம் ஏற்கனவே கடந்த நவம்பர் மாதமே ரிலீஸ் ஆக இருந்தது. ஆனால் பாரத பிரதமரின் பணத்தட்டுப்பாடு அறிவிப்பு காரணமாக ரிலீஸ் தேதி ஜனவரிக்கு ஒத்தி வைக்கப்பட்டது என்பது குறிப்பிடத்தக்கது.
'சிங்கம் 3' மற்றும் 'கத்திச்சண்டை' படங்களின் ரிலீஸ் தேதி குறித்த அதிகாரபூர்வ அறிவிப்பு இன்னும் ஓரிரு நாட்களில் வெளியாகும் என்று எதிர்பார்க்கப்படுகிறது.