விபத்தில் தந்தையை பறிகொடுத்த 7 வயது சிறுமிக்கு விஷால் உதவி
- IndiaGlitz, [Wednesday,September 21 2016]
நடிகர் சங்க செயலாளரும் நடிகருமான விஷால் நலிந்த நடிகர்களுக்கு மட்டுமின்றி ஏழை எளிய பொதுமக்களுக்கும் பல்வேறு உதவிகள் செய்து வருவதை அவ்வப்போது வரும் செய்திகள் மூலம் தெரிந்து வருகிறோம்,
இந்நிலையில் சமீபத்தில் சென்னையில் அதிகாலையில் தாறுமாறாக ஓடிய சொகுசு கார் ஒன்று மோதியதால் ஏற்பட்ட விபத்தில் 13-ஆட்டோக்கள் சேதம் அடைந்ததோடு ஆட்டோக்களில் ஒய்வு எடுத்துக்கொண்டிருந்த 9-ஆட்டோ ஓட்டுனர்கள் படுகாயம் அடைந்தனர்கள்
இவர்களில் திருவள்ளூர் மாவட்டம், திருத்தணி தாலுக்கா.அக்குர் கிராமத்தை சேர்ந்த ஆறுமுகம் என்பவர் பரிதாபமாக சிகிச்சையின் பலனின்றி உயிரிழந்தார். இச்செய்தியை அறிந்த தென்னிந்திய நடிகர் சங்க பொது செயலாலரும் நடிகருமான விஷால் அவர்கள் அவருடைய குடும்பத்தை தொடர்புக்கொண்டு பேசியபோது பலியான ஆறுமுகத்திற்கு 7 வயதில் மனிஷா என்ற மகள் இருப்பதை அறிந்து, உடனே மனிஷாவின் கல்வி செலவை தனது தேவி அறக்கட்டளை பொறுப்பேற்று கொள்வதாக கூறி சமாதானம் தெரிவித்தார்.