நடிகரும் அரசியல்வாதியுமான ஜே.கே.ரித்தீஷ் சற்றுமுன் ராமநாதபுரத்தில் மாரடைப்பால் மரணம் அடைந்த செய்தி திரையுலகில் உள்ளவர்களை அதிர்ச்சியில் ஆழ்த்தியுள்ளது. 46 வயதில் முதல் மாரடைப்பிலேயே ரித்தீஷ் மரணம் அடைந்தது குறித்து திரையுலகினர் இரங்கல் தெரிவித்து வருகின்றனர்.

இந்த நிலையில் நடிகர் சங்க செயலாளரும் ரித்தீஷின் நெருங்கிய நண்பர்களில் ஒருவருமான விஷால் தனது சமூக வலைத்தளத்தில் அவருடைய மறைவு குறித்து கூறியதாவது:

வாழ்க்கை என்பது எதிர்பாராததன் உச்சம். என்னுடைய நல்ல நண்பர் ரித்தீஷின் மரணத்தை என்னால் நம்பவே முடியவில்லை. பெரும் அதிர்ச்சியாக உள்ளது. நடிகர் சங்க தேர்தலின்போது அவரை பற்றி நன்கு புரிந்து கொண்டேன். ரித்தீஷை இழந்து வாடும் அவருடைய மனைவிக்கும் குழந்தைகளுக்கும் என்னுடைய ஆழ்ந்த இரங்கல்கள். கடவுள் அவர்களுக்கு உறுதியான மனதை கொடுக்க வேண்டும் என்று வேண்டிக்கொள்கிறேன். ரித்தீஷின் ஆன்மா சாந்தியடைய பிரார்த்திக்கின்றேன்' என்று குறிப்பிட்டுள்ளார்.