చైతు హీరోయిన్ తో విశాల్ రొమాన్స్.
- IndiaGlitz, [Monday,July 25 2016]
మాస్ హీరో విశాల్ కెరీర్ లో మ‌ర‌చిపోలేని చిత్రం పందెంకోడి. అటు కోలీవుడ్ ఇటు టాలీవుడ్ లో క‌మ‌ర్షియ‌ల్ స‌క్సెస్ సాధించి విశాల్ కి మంచి పేరు తీసుకువ‌చ్చింది. దీంతో పందెంకోడి చిత్రానికి సీక్వెల్ చేయాల‌ని విశాల్ గ‌త కొన్ని రోజులుగా ప్ర‌య‌త్నిస్తున్నారు. గ‌తంలో పందెంకోడి ప్రాజెక్ట్ ఎనౌన్స్ చేయ‌డం... ఆత‌ర్వాత వేరే కార‌ణాల వ‌ల‌న ప్రాజెక్ట్ క్యాన్సిల్ అయ్యింద‌ని విశాల్ ప్ర‌క‌టించడం తెలిసిందే.
ఎట్టేకేల‌కు విశాల్ - లింగుస్వామి కాంబినేష‌న్లో పందెంకోడి 2 మూవీ రూపొందించ‌డానికి అంతా సెట్ అయ్యింది ఈ చిత్రంలో విశాల్ స‌ర‌స‌న సాహ‌సం శ్వాస‌గా సాగిపో ఫేమ్ మంజిమ మోహ‌న్ హీరోయిన్ గా క‌న్ ఫ‌ర్మ్ అయ్యింది. ఈ క్రేజీ మూవీని సెప్టెంబ‌ర్ లో ప్రారంభించ‌డానికి ప్లాన్ చేస్తున్నారు. ఇక సీక్వెల్ అంటే అంచ‌నాలు ఏర్ప‌డ్డం స‌హ‌జం. అందుచేత అంచ‌నాల‌కు త‌గ్గ‌ట్టు తెలుగు, త‌మిళ్ లో ఘ‌న విజ‌యం సాధించేలా డిఫ‌రెంట్ స్ర్కిప్ట్ తో పందెంకోడి 2 తెర‌కెక్కించ‌నున్నారట. మ‌రి...పందెంకోడి 2 విశాల్ కు ఎలాంటి విజ‌యాన్ని అందిస్తుందో చూడాలి.