கோலிவுட் திரையுலகில் இருந்து எம்.ஜி.ஆர்., சிவாஜி முதல் கமல், ரஜினி வரை பலர் அரசியல்வாதிகளாக மாறியுள்ளனர். கடந்த அரை நூற்றாண்டாக தமிழகத்தை திரையுலகை சேர்ந்தவர்களே ஆட்சி செய்து வந்துள்ளனர். இதனால் பல திரையுலக பிரபலங்கள் அவ்வப்போது அரசியலில் ஈடுபட்டு வருகின்றனர்.

அந்த வகையில் நடிகர் சங்கம், தயாரிப்பாளர் சங்கம் ஆகிய தேர்தல்களில் வெற்றி பெற்று அனுபவம் உள்ள நடிகர் விஷால் இன்று முதல் அரசியலில் காலடி எடுத்து வைக்கவுள்ளதாக கூறப்படுகிறது. இன்று 'இரும்புத்திரை' 100வது நாள் விழாவில் விஷால் தனது ரசிகர் மன்றங்களை ஒரு அரசியல் அமைப்பாக அறிவிக்கவுள்ளதாகவும், இந்த அமைப்பிற்கு புதிய கொடியை அவர் அறிமுகம் செய்யவுள்ளதாகவும் செய்திகள் வெளிவந்துள்ளது.

கமல், ரஜினியை அடுத்து அரசியலில் அடியெடுத்து வைக்கும் அடுத்த முயற்சியை இன்று முதல் தொடங்கவுள்ள விஷாலுக்கு நடிகர் சங்கம், தயாரிப்பாளர் சங்கம் போல் அரசியல் உலகிலும் வெற்றி கிடைக்குமா? என்பதை பொறுத்திருந்து பார்ப்போம்