'துப்பறிவாளன்' முதல் ஆரம்பமாகும் விஷாலின் 'ஒரு ரூபாய்' திட்டம்
- IndiaGlitz, [Thursday,September 14 2017]
தயாரிப்பாளர் சங்கத்தின் தலைவராக தேர்வு செய்யப்பட்டவுடன் விஷால் அளித்த வாக்குறுதிகளில் ஒன்று விவசாயிகளின் 'ஒரு ரூபாய்' திட்டம். இந்த திட்டத்தின்படி திரையரங்குகளில் வசூலாகும் ஒவ்வொரு டிக்கெட்டில் இருந்தும் ஒரு ரூபாய் எடுத்து அதை விவசாயிகளுக்கு தரவுள்ளதாக அறிவித்தார்.
இந்த திட்டத்திற்கு திரையரங்க உரிமையாளர்கள் சங்கம் எதிர்ப்பு தெரிவித்துள்ள நிலையில் இந்த திட்டத்தை 'துப்பறிவாளன்' படத்தில் இருந்து ஆரம்பித்துள்ளதாக விஷால் அறிவித்துள்ளார்.
இன்று வெளியாகும் 'துப்பறிவாளன்' படத்தின் ஒவ்வொரு டிக்கெட்டில் இருந்தும் ஒரு ரூபாய் எடுத்து அதை விவசாயிகளுக்கு அளிக்க முடிவு செய்துள்ளதாக அறிவித்துள்ளார். ஏற்கனவே சொன்ன வாக்குறுதிகளை ஒவ்வொன்றாக நிறைவேற்றி அனைவரின் பாராட்டுக்களை பெற்று வரும் விஷால், ஒரு ரூபாய் திட்டத்தையும் நிறைவேற்றியுள்ளதற்கு பாராட்டுக்கள் குவிந்து வருகிறது.