விஷாலின் 'கத்திச்சண்டை' சென்சார் தகவல்கள்
- IndiaGlitz, [Sunday,November 06 2016]
விஷால் நடிப்பில் உருவாகியுள்ள ஆக்சன் மற்றும் காமெடி திரைப்படமான 'கத்திச்சண்டை' படத்தின் பாடல்கள் சமீபத்தில் வெளியாகி பட்டிதொட்டியெங்கும் ஹிட்டாகியுள்ள நிலையில் இந்த படம் வரும் 18ஆம் தேதி வெளியாகும் என்று எதிர்பார்க்கப்படுகிறது.
இந்நிலையில் இந்த படத்தின் சென்சார் தற்போது முடிந்துள்ளது. இந்த படத்திற்கு சென்சார் அதிகாரிகள் 'யூ' சான்றிதழ் அளித்துள்ளனர். இதனால் இந்த படம் தமிழக அரசின் வரிவிலக்கை பெறும் வாய்ப்பை பெற்றுள்ளதால் தயாரிப்பு தரப்பு மகிழ்ச்சி அடைந்துள்ளது.
விஷால், தமன்னா, வடிவேலு, சூரி, ஜெகபதிபாபு, தருண் அரோரா உள்ளிட்ட பலர் நடித்துள்ள இந்த படத்தை சுராஜ் இயக்கியுள்ளார். ஹிப்ஹாப் தமிழா ஆதி இசையமைத்துள்ள இந்த படத்தை எஸ்.நந்தகோபால் மற்றும் விஷால் இணைந்து தயாரித்துள்ளனர்.