விஷால், தமன்னா நடிப்பில் சுந்தர் சி இயக்கிய ‘ஆக்சன்’ திரைப்படத்தின் படப்பிடிப்பு முடிவடைந்து தற்போது தொழில்நுட்ப பணிகள் நடைபெற்று வரும் நிலையில் இந்த படத்தின் டீசர் சற்றுமுன் வெளியாகியுள்ளது

‘ஆக்சன்’ என்ற டைட்டிலுக்கு ஏற்ற வகையில் டீசர் முழுவதும் பெரும்பாலான காட்சிகளில் ஆக்சன் தான் உள்ளது. குறிப்பாக ஹாலிவுட் படங்களுக்கு இணையான சேஸிங் காட்சிகள் அதிகம். எனவே இந்த படம் விஷால் ரசிகர்களுக்கு மட்டுமின்றி ஆக்சன் பட பிரியவர்களையும் கவரும் என எதிர்பார்க்கப்படுகிறது.

மேலும் தமன்னா டூபீஸ் பிகினி உடையிலும் ஒரு காட்சியில் இந்த டீசரில் தோன்றுவதால் இந்த படத்தில் கவர்ச்சிக்கும் பஞ்சமிருக்காது என தெரிகிறது. ஹிப்ஹாப் தமிழா ஆதியின் அதிரடி பின்னணி இசை, டட்லியின் கேமிராவில் படமாக்கப்பட்ட அற்புதமான வெளிநாட்டு காட்சிகள் ஆகியவை இந்த படத்தின் பாசிட்டிவ்கள். தொடர்ச்சியாக செண்டிமெண்ட், குடும்பக்கதை, காமெடி மற்றும் திகில் பேய்ப்படங்களை இயக்கி வந்த சுந்தர் சி முதல்முறையாக முழுக்க முழுக்க ஒரு ஆக்சன் படத்தை இந்த ‘ஆக்சன்’ மூலம் கொடுத்துள்ளார். மொத்தத்தில் தமிழில் ஒரு அதிரடி ஆக்சன் படம் என்றே இந்த டீசரில் இருந்து தெரிகிறது