విశాల్, త‌మ‌న్నా మ‌రోసారి?
- IndiaGlitz, [Sunday,November 04 2018]
త‌మిళంలో 'క‌త్తి సండై' పేరుతో విశాల్, త‌మ‌న్నా జంట‌గా న‌టించిన చిత్రాన్ని తెలుగులో 'ఒక్క‌డొచ్చాడు' పేరుతో తెలుగులో విడుదల చేశారు. ఈ సినిమా ఆశించిన మేర స‌క్సెస్‌ను సాధించ‌లేదు. అయితే మ‌రో సినిమా కోసం విశాల్, త‌మ‌న్నా క‌లిసి న‌టించ‌బోతున్నారు. సీనియ‌ర్ న‌టి ఖుష్బూ భ‌ర్త, ప్రముఖ త‌మిళ దర్శకుడు సుందర్.సి ద‌ర్శ‌క‌త్వంలో ఓ సినిమా తెర‌కెక్క‌నుంది.
ప్రస్తుతం ఈ దర్శకుడు శింబుతో అత్తారింటికి దారేది సినిమాను తెర‌కెక్కిస్తున్నారు. ఈ రీమేక్ పూర్తి కాగానే విశాల్, త‌మ‌న్నా జోడిగా సినిమాను తెర‌కెక్కిస్తాడు. క‌మ‌ర్షియ‌ల్ ఎంట‌ర్‌టైన‌ర్ చిత్రాల‌ను తెర‌కెక్కించే ద‌ర్శ‌కుడిగా పేరున్న సుందర్.సి, విశాల్ కాంబినేష‌న్‌లో తెర‌కెక్క‌బోయే మూడో చిత్ర‌మిది.