சிவகார்த்திகேயனுக்கு மேலும் ஒரு பிரபல நடிகர் ஆதரவு
- IndiaGlitz, [Thursday,October 13 2016]
நடிகர் சிவகார்த்திகேயன் நடித்த 'ரெமோ' திரைப்படம் கடந்த வாரம் உலகம் முழுவதும் வெளியாகி நல்ல வரவேற்பை பெற்ற நிலையில் இந்த படத்தின் நன்றி அறிவிப்பு விழாவின் போது சிவகார்த்திகேயன் கண்ணீருடன் உணர்ச்சிவசப்பட்டு தான் எவ்வாறு பாதிக்கப்பட்டேன் என்பதை தெரிவித்தார்.
இந்நிலையில் சிவகார்த்திகேயனுக்கு ஆதரவாக நேற்று நடிகர் சிம்பு தனது சமூக வலைத்தளத்தில் கருத்து தெரிவித்ததுடன் தானும் சிவகார்த்திகேயன் போல் பல விதத்தில் பாதிக்கப்பட்டுள்ளதாகவும், கடின உழைப்பும் கடவுள் அருளும் மட்டுமே தன்னை காப்பாற்றி வருவதாக கூறியிருந்தார்.
இந்நிலையில் சிவகார்த்திகேயனுக்கு மேலும் ஒரு பிரபல நடிகரின் ஆதரவு கிடைத்துள்ளது. அவர்தான் நடிகர் சங்க செயலாளர் விஷால். சிவகார்த்திகேயன் மட்டுமின்றி தானும் ஒரு காலத்தில் கட்டப்பஞ்சாயத்து காரணமாக பாதிக்கப்பட்டுள்ளதாகவும், சிவகார்த்திகேயன் அளித்த புகாரின் பேரில் விரைவில் நடவடிக்கை எடுக்கப்படும் என்றும் அவர் கூறியுள்ளர்.