விஷாலின் 'மருது' சென்சார் தகவல்கள்
- IndiaGlitz, [Wednesday,May 11 2016]
குட்டிப்புலி', 'கொம்பன்' படங்களை இயக்கிய இயக்குனர் முத்தையாவின் அடுத்தபடமான 'மருது' திரைப்படம் மே 20ஆம் தேதி தமிழ் மற்றும் தெலுங்கு ஆகிய இருமொழிகளில் பிரமாண்டமாக வெளியாகவுள்ளது.
இந்நிலையில் இந்த படம் நேற்று சென்சார் செய்யப்பட்டது. இந்த படத்தை பார்த்த சென்சார் அதிகாரிகள் படத்திற்கு 'U/A சர்டிபிகேட் அளித்துள்ளனர். 'U/A சர்டிபிகேட் பெற்றுள்ளதால் 'மருது' படம் தமிழக அரசின் 30% வரிவிலக்கை பெறும் தகுதியை இழக்கின்றது. இதனால் தயாரிப்பாளர் உள்பட படக்குழுவினர் ஏமாற்றம் அடைந்துள்ளதாகவும் இருப்பினும் திட்டமிட்டபடி வரும் 20ஆம் தேதி படம் வெளியாவதில் எந்த மாற்றமும் இல்லை என்றும் கூறப்படுகிறது.
விஷால், ஸ்ரீதிவ்யா, சூரி, ராதாரவி உள்ளிட்ட பலர் நடித்துள்ள இந்த படத்திற்கு டி.இமான் இசையமைத்துள்ளார்.