விஜய் அரசியல் கட்சியில் சேருவீர்களா? என்ற மாணவியின் கேள்விக்கு நடிகர் விஷால், ரஜினி ஸ்டைலில் பதில் அளித்துள்ளது பரபரப்பை ஏற்படுத்தி உள்ளது.

நடிகர் விஜய் விரைவில் அரசியல் கட்சி தொடங்குவார் என்றும் அடுத்த சட்டமன்ற தேர்தலில் அவர் போட்டியிட அதிக வாய்ப்பு இருப்பதாகவும் கூறப்படுகிறது. இந்த நிலையில் விஜய்யின் அரசியல் கட்சிக்கு திரை உலக பிரபலங்கள் பலர் ஆதரவு தருவார்கள் என்று எதிர்பார்க்கப்படுகிறது.

இந்த நிலையில் சமீபத்தில் மாணவ மாணவிகளை சந்தித்த நடிகர் விஷால், மாணவி ஒருவரின் கேள்விக்கு பதில் அளித்தார். உங்களையும் விஜய் அவர்களையும் திரைப்படங்களில் தான் ஒன்றாக பார்க்க முடியவில்லை. ஆனால் விஜய் அரசியல் கட்சி ஆரம்பித்தால் அதில் நீங்கள் சேருவீர்களா என்ற கேள்வியை ஒரு மாணவி கேட்டார்.

அதற்கு பதிலளித்த விஷால் ’கடவுள் கையில்தான் இருக்கிறது’ என்று ரஜினி ஸ்டைலில் கூறினார். கடவுள் முடிவு எதுவாக இருக்கிறதோ அதன்படி நான் செயல்படுவேன் என்றும் எதுவும் நடக்கலாம் என்றும் தெரிவித்தார். மேலும் அரசியல் என்பது சமூக சேவை என்றும் அது ஒரு பிசினஸ் அல்ல என்றும் அவர் கூறினார். மேலும் நீங்களும் நானும் எல்லோரும் அரசியல் தான் இருக்கிறோம் என்றும் பிறருக்கு ஒரு ஐம்பது ரூபாய் கொடுத்து உதவி செய்தால் கூட அவர் அரசியல்வாதி தான் என்றும் விஷால் கூறினார்.