அமலாபால் தைரியத்திற்கு பிரபல நடிகரின் சல்யூட்
- IndiaGlitz, [Saturday,February 03 2018]
சமீபத்தில் நடிகை அமலாபாலுக்கு பாலியல் தொல்லை கொடுத்ததாக சென்னை தொழிலதிபர் ஒருவர் கைது செய்யப்பட்டு அவரிடம் விசாரணை நடந்து வருகிறது என்பது தெரிந்ததே. இந்த நிலையில் ஒரு பிரபலமாக இருந்தாலும் தைரியமாக காவல்துறையில் புகார் அளித்த அமலாபாலின் தைரியம் குறித்து பலர் பாராட்டுக்கள் தெரிவித்து வருகின்றனர்
இந்த நிலையில் நடிகர் சங்க செயலாளர் விஷால், அமலாபாலின் தைரியத்தை பாராட்டி டுவீட் பதிவு செய்துள்ளார். 'சமீபத்தில் நடந்த சம்பவத்தில் உங்களுடைய தைரியமான முடிவுக்கு பாராட்டுக்கள். உங்களின் தைரியத்திற்கு ஒரு சல்யூட். இவரைப் போன்ற மனிதர்களுக்கு உங்களுடைய தைரியம் ஒரு பாடமாக இருக்கும்.
மேலும் அமலாபாலின் புகார் குறித்து உடனடியாக நடவடிக்கை எடுத்த காவல்துறையினர்களுக்கும் எனது நன்றிகள்' என்று விஷால் அந்த டுவீட்டில் கூறியுள்ளார்.