என் வாழ்க்கையே ஒரு வட்டம் தான். விஷால்
- IndiaGlitz, [Sunday,November 12 2017]
விஷால் நடிப்பில் மிஷ்கின் இயக்கிய 'துப்பறிவாளன்' சமீபத்தில் வெளியாகி நல்ல வரவேற்பை பெற்றுள்ளது. இந்த நிலையில் விஷாலின் அடுத்த படமான 'இரும்புத்திரை' திரைப்படம் ரிலீசுக்கு தயாராகி வருகிறது. இந்த படத்தில் ஆக்சன் கிங் அர்ஜூன் வில்லனாக நடித்துள்ளார்.
இந்த படம் குறித்து விஷால் கூறியதாவது: என்னுடைய திரையுலக வாழ்க்கையே ஒரு வட்டமாகத் தான் தெரிகிறது. நான் யாரிடம் முதலில் உதவி இயக்குநராக சேர்ந்து என் வாழ்க்கையின் முதல் ஊதியத்தை பெற்றேனோ அவரே எனக்கு வில்லனாக இரும்பு திரை படத்தில் நடிக்கிறார். ஆனால் இப்போதும் அவர் தான் எனக்கு குரு. அவர் தான் ஆக்ஷன் கிங் அர்ஜுன். இது ஒரு உயிரோட்டமான பயணம். நாங்கள் படத்தில் சந்தித்துக்கொள்ளும் காட்சிகள் அனைத்துமே ரசிகர்களை சீட் நுனிக்கே கொண்டு வரும். முக்கியமாக க்ளைமாக்ஸில் நாங்கள் இருவரும் மோதிக்கொள்ளும் சண்டைக்காட்சி. எங்கள் இணையைக் காண காத்திருங்கள்' என்று கூறியுள்ளார்
வரும் பொங்கல் தினத்தில் வெளியாகும் என்று எதிர்பார்க்கப்படும் இந்த படத்தில் விஷால், அர்ஜூன், சமந்தா, மார்ஷியல் நிபுணர் ஜெர்மி ரோஸ்கி, டெல்லி கணேஷ், ரோபோ சங்கர் உள்ளிட்ட பலர் நடித்துள்ளனர். இந்த படத்தை பி.எஸ்.மித்ரன் இயக்கி வருகிறார். யுவன்சங்கர் ராஜா இசையில் உருவாகி வரும் இந்த படத்திற்கு ஜார்ஜ் வில்லியம்ஸ் ஒளிப்பதிவும் ரூபன் படத்தொகுப்பும் செய்கிறார்கள். இந்த படத்தை விஷால் பிலிம் பேக்டரி நிறுவனம் தயாரித்து வருகிறது.