என்னை பழிவாங்க இது சரியான நேரம் இல்லை. விஷால்
- IndiaGlitz, [Tuesday,January 24 2017]
கடந்த சிலநாட்களாக நடிகர் விஷால் குறித்து சர்ச்சைக்குரிய வதந்திகள் பரவுவதும் அதற்கு அவர் விளக்கம் அளித்து கொண்டு வருவதுமாக உள்ள செய்திகளை பார்த்து வருகிறோம். சமீபத்தில் கூட அவர் பீட்டா விஷயத்தில் பரவிய வதந்திக்கு மறுப்பு தெரிவித்திருந்தார்.
இந்நிலையில் நேற்று மாணவர்கள் போராட்டத்தில் போலீசார் தடியடி நடத்தியதை சரி என்று பிரபல ஐஏஎஸ் அதிகாரி ஒருவரின் சமூக வலைத்தள பக்கத்தில் விஷால் பதிவு செய்ததாக வதந்தி பரவி வருகிறது,
இந்த வதந்திக்கு விஷால் தற்போது வீடியோ ஒன்றின்மூலம் விளக்கம் அளித்துள்ளார். மாணவர்கள் போராட்டம் வெற்றி பெற்று ஜல்லிக்கட்டு நடைபெற உள்ள நிலையில் என்னை பழிவாங்குவதற்காக யாரோ இதுபோன்ற வதந்திகளை பரப்பி வருகின்றனர். என்னை பழிவாங்க தயவு செய்து இதுபோன்ற வழிகளை பயன்படுத்த வேண்டும். வேறொரு வழியில் பழிவாங்கி கொள்ளுங்கள். பொதுமக்களும், மாணவர்களும் இதுபோன்ற வதந்திகளை நம்ப வேண்டாம்' என்று கேட்டுக் கொள்வதாக விஷால் அந்த வீடியோவில் தெரிவித்துள்ளார்.