13 ఏళ్ల త‌ర్వాత విశాల్..లింగుస్వామి ద‌ర్శ‌క‌త్వంలో త‌న‌కు బ్రేక్ ఇచ్చిన సినిమా 'పందెం కోడి'(సండైకోళి)కి సీక్వెల్‌ను చేస్తున్నాడు. 'సండైకోళి2' పేరుతో త‌మిళంలో రూపొందుతోన్న ఈ సినిమాలో కీర్తిసురేశ్ హీరోయిన్‌గా న‌టిస్తుంది. తెలుగు టైటిల్ ఇంకా ఫిక్స్ కాలేదు.

అయితే 'పందెంకోడి 2' అని పెట్టే అవ‌కాశాలు ఎక్కువ‌గా క‌న‌ప‌డుతున్నాయి. ఈ సినిమాలో మ‌రో హీరోయిన్ వ‌ర‌ల‌క్ష్మి శ‌ర‌త్‌కుమార్ విల‌న్ పాత్ర‌లో న‌టిస్తుంది. ద‌స‌రా సంద‌ర్భంగా ఈ చిత్రాన్ని అక్టోబ‌ర్ 18న విడుద‌ల చేయాల‌ని విశాల్ ఆలోచిస్తున్నాడు.

త‌మిళంలో విశాల్ ఫిలిమ్ ఫ్యాక్ట‌రీ బ్యాన‌ర్‌పై విశాల్ సినిమాను విడుద‌ల చేస్తున్న సంగ‌తి తెలిసిందే. తాజాగా పందెంకోడి సినిమా పెద్ద హిట్ అయిన సంగ‌తి తెలిసిందే. కాబ‌ట్టి ఈ సీక్వెల్‌పై భారీ అంచ‌నాలే ఉన్నాయి. ప్ర‌ముఖ నిర్మాత ఠాగూర్ మ‌ధు ఈ సినిమా తెలుగు థియేట్రిక‌ల్‌, శాటిలైట్ హ‌క్కుల‌ను దాదాపు ప‌దికోట్ల రూపాయ‌ల‌కు ద‌క్కించుకున్నాడ‌ని విశ్వ‌స‌నీయ వ‌ర్గాల స‌మాచారం. త్వ‌ర‌లోనే అధికార‌క స‌మాచారం వెలువ‌డ నుంది.