நடிகர் சங்க தேர்தல் பிரச்சாரத்தில் தீவிரமாக ஈடுபட்டு வரும் பாண்டவர் அணியினர் நேற்று நடிகர் சூர்யாவை சந்தித்து ஆதரவு திரட்டியதை பார்த்தோம். தற்போது அதே பாண்டவர் அணி வைகைப்புயல் வடிவேலு மற்றும் நடிகர் வினுசக்கரவர்த்தி ஆகியோர்களையும் இன்று சந்தித்து தங்கள் அணிக்கு ஆதரவு திரட்டியுள்ளனர்.

இன்று காலை விஷால், நாசர், கார்த்தி, பொன்வண்ணன் ஆகியோர் வடிவேலு மற்றும் வினுசக்கரவர்த்தி ஆகியோர்களை அவர்களுடைய இல்லத்தில் சந்தித்துள்ளனர். மேலும் ஒருசில முன்னணி நடிகர்களையும் இன்று அவர்கள் சந்திக்கவுள்ளதாகவும் கூறப்படுகிறது.

இந்நிலையில் சரத்குமார்-ராதாரவி அணியும் தேர்தல் பிரச்சாரத்தை துவக்கியுள்ளனர். நேற்று பழம்பெரும் நகைச்சுவை நடிகை மனோரமா அவர்களின் இல்லத்திற்கு சென்ற சரத்குமார் மற்றும் ராதாரவி, மனோரமாவின் உடல்நிலை குறித்து விசாரித்து, அதன்பின்னர் நடிகர் சங்க தேர்தலில் தங்களுக்கு ஆதரவு தருமாறு கேட்டுக்கொண்டுள்ளனர்.

விஷால் மற்றும் சரத்குமார் அணியினர்களின் தேர்தல் பிரச்சாரம் தற்போது சூடு பிடித்துள்ளது. விரைவில் இரு அணியினர்களும் தங்கள் அணியினர்களின் அதிகாரபூர்வ வேட்பாளர்களை அறிவிப்பார்கள் என கூறப்படுகிறது.