విశాల్ న‌టిస్తున్న తాజా మాస్ ఫిల్మ్ ఒక్క‌డొచ్చాడు. ఈ చిత్రాన్ని సూర‌జ్ తెర‌కెక్కిస్తున్నారు. జి.హ‌రి ఈ చిత్రాన్ని తెలుగు ప్రేక్ష‌కుల‌కు అందిస్తున్నారు. ఈ చిత్రంలో విశాల్ స‌ర‌స‌న త‌మ‌న్నా న‌టిస్తుండ‌గా, జ‌గ‌ప‌తిబాబు కీల‌క పాత్ర పోషిస్తున్నారు. త‌రుణ్ అరోర విల‌న్ గా న‌టిస్తున్నారు. ప్ర‌పంచంలో ప్ర‌తి చోట అన్యాయానికి వ్య‌తిరేకంగా పోరాడే వ్య‌క్తి అవ‌స‌రం. ప్ర‌జ‌ల‌కు జ‌రుగుతున్న అన్యాయాన్ని ప్ర‌తిఘ‌టించి న్యాయం చేసేందుకు పొరాడే వ్య‌క్తి క‌ధే ఒక్క‌డొచ్చాడు.

త్వ‌ర‌లో ప్రేక్ష‌కుల ముందుకు వ‌చ్చేందుకు రెడీ అవుతున్న ఒక్క‌డొచ్చాడు టీజ‌ర్ రిలీజ్ చేసారు. ఈ టీజ‌ర్ లో....త‌ప్పు చేసిన వాడిని స‌మ‌ర్ధిస్తాను కానీ...చేసిన త‌ప్పునే స‌మ‌ర్ధించే వాడిని ఎప్ప‌టికీ క్ష‌మించ‌ను అని విశాల్ చెప్పిన డైలాగ్, యాక్ష‌న్ సీన్స్, త‌మ‌న్నా తో సాంగ్...ఇవ‌న్నీ చూస్తుంటే మాస్ ఆడియోన్స్ కు కావాలసిన అన్ని అంశాలు ఈ చిత్రంలో ఉన్నాయి అనిపిస్తుంది. టీజ‌ర్ తో ఆక‌ట్టుకున్న విశాల్ సినిమాతో కూడా ఆక‌ట్టుకుంటాడేమో చూడాలి..!