மூன்றே மாதத்தில் முடிகிறது விஷாலின் அடுத்த படம்.. விறுவிறுப்பான படப்பிடிப்பில் இயக்குனர்..!
- IndiaGlitz, [Thursday,July 20 2023]
விஷாலின் அடுத்த திரைப்படத்தை மூன்றே மாதங்களில் முடிக்க இயக்குனர் திட்டமிட்டுள்ளதாகவும் அதற்காக விறுவிறுப்பாக படப்பிடிப்பை நடத்தி வருவதாகவும் தகவல் வெளியாகியுள்ளது.
விஷாலின் 34 வது திரைப்படத்தை இயக்குனர் ஹரி இயக்கி வருகிறார் என்பதும் இந்த படத்தின் படப்பிடிப்பு ஈசிஆர் பகுதிகளில் விறுவிறுப்பாக நடைபெற்று வருவதாகவும் கூறப்படுகிறது.
மேலும் இந்த படத்திற்கான டீசர் படப்பிடிப்பு முடிந்து விட்டதாகவும் விரைவில் டீசர் வெளியாகும் என்றும் கூறப்படுகிறது. மேலும் இதுவரை இல்லாத அளவில் மிகவும் பிரமாண்டமான ஆக்ஷன் காட்சிகள் மற்றும் ஃபேமிலி சென்டிமென்ட் காட்சிகள் இந்த படத்தில் இருக்கும் என்றும் கூறப்படுகிறது. இந்த நிலையில் இந்த படத்தை மூன்றே மாதங்களில் முடிக்க, தொடர்ச்சியாக படப்பிடிப்பு நடத்த திட்டமிடப்பட்டு இருப்பதாக தெரிகிறது.
ஏற்கனவே இந்த படத்தின் நாயகியாக நடிக்க ப்ரியா பவானி சங்கர் ஒப்பந்தம் ஆகி உள்ளார் என்பதை பார்த்தோம். அதேபோல் இந்த படத்திற்கு தேவிஸ்ரீ பிரசாத் இசையமைத்து வருகிறார் என்பதும் அவர் பாடல் கம்போசிங் பணிகளில் ஈடுபட்டு வருவதாகவும் தகவல் வெளியாகியுள்ளது. மொத்தத்தில் இந்த ஆண்டுக்குள் ’விஷால் 34’ படம் வெளியாக வாய்ப்பிருப்பதாக கூறப்படுகிறது.