'கொம்பன்' முத்தையா இயக்கத்தில் விஷால் நடிக்கும் படத்தின் டைட்டில்
- IndiaGlitz, [Saturday,August 01 2015]
சுசீந்திரன் இயக்கத்தில் விஷால் நடித்து முடித்துள்ள 'பாயும் புலி' திரைப்படம் வரும் செப்டம்பரில் ரீலீஸாகவுள்ள நிலையில், விஷால் தற்போது 'பசங்க' இயக்குனர் பாண்டியராஜின் பெயரிடப்படாத படத்தில் நடிக்க ஒப்பந்தம் செய்யப்பட்டுள்ளார்.
இந்நிலையில் விஷால் ''கொம்பன்' என்ற வெற்றி படத்தை சமீபத்தில் கொடுத்த இயக்குனர் முத்தையாவின் இயக்கத்தில் நடிக்கவுள்ளதாக செய்திகள் வெளிவந்துள்ளன. அதுமட்டுமின்றி அந்த படத்தின் டைட்டிலும் முடிவு செய்யப்பட்டுவிட்டதாகவும், அந்த படத்திற்கு 'மருது' என்ற டைட்டில் வைக்கப்பட்டுள்ளதாகவும் செய்திகள் கூறுகின்றன.
குட்டிப்புலி, கொம்பன் போலவே இந்த படத்தின் கதையும் கிராமத்து பின்னணியில் உள்ள கதை என்றும், இந்த படத்திற்கு டி.இமான் இசையமைக்கவுள்ளதாகவும் கூறப்படுகிறது. மேலும் இந்த படத்தை கோபுரம் பிலிம்ஸ் அன்புசெழியன் தயாரிக்கவுள்ளதாகவும் செய்திகள் வெளிவந்து கொண்டிருக்கின்றன. இந்த படம் குறித்த அதிகாரபூர்வ அறிவிப்பு மிக விரைவில் வெளியாகுமென கூறப்படுகிறது.
இந்நிலையில் லிங்குசாமியின் 'சண்டகோழி 2' படத்திலும் விஷால் நடிக்க திட்டமிட்டுள்ளார் என்பது குறிப்பிடத்தக்கது.