சூப்பர் ஸ்டார் ரஜினியை நடிகர் சங்க செயலாளர் விஷால் இன்று சந்தித்து பேசியதாக புகைப்படத்துடன் கூடிய செய்தி வெளியாகியுள்ளது. இந்த சந்திப்பின்போது நடிகரும் இயக்குனருமான மனோபாலா உடன் இருந்தார்.

வரும் பிப்ரவரி 2 மற்றும் 3 ஆகிய தேதிகளில் இசைஞானி இளையராஜாவின் 75 வருட சேவையை பாராட்டி 'இளையராஜா 75' என்ற இசை நிகழ்ச்சி சென்னை நந்தனம் மைதானத்தில் நடைபெறவுள்ளது. இந்த இசை நிகழ்ச்சிக்கான ஏற்பாடுகளை தயாரிப்பாளர் சங்கத்தலைவர் என்ற முறையில் நடிகர் விஷால் தீவிரமாக செய்து கொண்டிருக்கும் நிலையில் இந்த இசை நிகழ்ச்சிக்கு வருமாறு முக்கிய விருந்தினர்களுக்கு அழைப்பிதழ் கொடுத்து வருகிறார்.

அந்த வகையில் இன்று சூப்பர் ஸ்டார் ரஜினியை சந்தித்து இந்த நிகழ்ச்சிக்கான அழைப்பிதழை விஷால் அளித்துள்ளார். இந்த நிகழ்ச்சியில் ரஜினிகாந்த் கலந்து கொள்வார் என்று எதிர்பார்க்கப்படுகிறது.