துணை முதல்வர் ஓ.பன்னீர்செல்வம்-விஷால் சந்திப்பு! காரணம் என்ன?
- IndiaGlitz, [Thursday,January 31 2019]
தமிழ் திரைப்பட தயாரிப்பாளர் சங்க தலைவர் விஷால் நேற்று துணை முதல்வர் ஓ.பன்னீர்செல்வம் அவர்களை நேரில் சந்தித்தார்.
இந்த சந்திப்பின்போது தமிழ் திரைப்பட தயாரிப்பாளர்கள் சங்கம் ஏற்பாடு செய்திருக்கும் 'இளையராஜா 75' என்ற இசை நிகழ்ச்சிக்கு வருமாறு துணை முதல்வருக்கு அவர் அழைப்பு விடுத்தார்.
ஏற்கனவே தமிழக கவர்னர் பன்வாரிலால் புரோஹித், மத்திய அமைச்சர் பொன் ராதாகிருஷ்ணன் ஆகியோர்களுக்கு நேரில் சென்று விஷால் அழைப்பு விடுத்த நிலையில் தற்போது துணை முதல்வருக்கும் அழைப்பு விடுத்துள்ளார் என்பதும் இந்த மூவரும் 'இளையராஜா 75' நிகழ்ச்சிக்கு வருகை தருவதாக கூறியுள்ளனர் என்பதும் குறிப்பிடத்தக்கது.
துணை முதல்வரை விஷால் சந்தித்தபோது அவருடன் தயாரிப்பாளர் சங்க நிர்வாகிகளான கதிரேசன், எஸ்.எஸ்.துரைராஜ், மனோஜ்குமார் அகியோர் உடனிருந்தனர் என்பது குறிப்பிடத்தக்கது.