விஷால் நடிப்பில் சுந்தர் சி இயக்கிய 'மதகஜ ராஜா' ரிலீஸ் தேதி மே 13 என கூறப்பட்டு வந்தபோதிலும் இன்னும் அதிகாரபூர்வமாக உறுதி செய்யப்படவில்லை. இந்நிலையில் விஷால் நடித்த மற்றொரு படமான 'மருது' படத்தின் ரிலீஸ் தேதியை அவர் தன்னுடைய சமூக வலைத்தில் உறுதி செய்துள்ளார்.

'மருது' மற்றும் இதன் தெலுங்கு பதிப்பான 'ராயுடு' ஆகிய திரைப்படங்கள் மே 20ஆம் தேதி உலகம் முழுவதும் ரிலீஸ் ஆகவுள்ளது என்பதை விஷால் அறிவித்துள்ளார். விஷால், ஸ்ரீதிவ்யா, சூரி, ராதாரவி, ஆர்.கே.சுரேஷ் உள்பட பலர் இந்த படத்தில் நடித்துள்ளனர். முத்தையா இயக்கியுள்ள இந்த படத்திற்கு டி.இமான் இசையமைத்துள்ளார்.

இதே தேதியில்தான் சிம்புவின் 'இது நம்ம ஆளு' ரிலீஸ் ஆகும் என எதிர்பார்க்கப்படுகிறது.
நடிகர் சங்க தேர்தலில் எதிரும் புதிருமாக போட்டியிட்ட விஷால் மற்றும் சிம்பு தற்போது தொழில் ரீதியாக மீண்டும் மோதவுள்ளனர். இந்த போட்டியில் வெற்றி பெறுவது யார்? என்பதை பொறுத்திருந்து பார்ப்போம்.