விஷாலின் அடுத்த படத்தில் சிம்பு நாயகி
- IndiaGlitz, [Saturday,July 02 2016]
லிங்குசாமி இயக்கத்தில் விஷால் நடிக்கும் 'சண்டக்கோழி 2' திரைப்படம் விரைவில் தொடங்கவுள்ளது என்பதை ஏற்கனவே பார்த்தோம். இந்நிலையில் இந்த படத்தின் ஆரம்பகட்ட பணிகள் விறுவிறுப்பாக தொடங்கிவிட்டதாகவும், விஷால் தற்போது நடித்து வரும் 'கத்திச்சண்டை' படத்திற்கு பின்னர் இந்த படத்தின் படப்பிடிப்பு தொடங்கும் என்றும் கூறப்படுகிறது.
இந்நிலையில் இந்த படத்தின் நாயகியாக மஞ்சிமாமோகன் நடிப்பார் என்று கூறப்படுகிறது. இவர் தற்போது கவுதம் மேனன் இயக்கத்தில் உருவாகி வரும் 'அச்சம் என்பது மடமையடா' படத்தில் சிம்புவுக்கு ஜோடியாக நடித்து வருபவர் என்பது குறிப்பிடத்தக்கது.
இவரிடம் நடத்தப்பட்ட முதல்கட்ட பேச்சுவார்த்தை வெற்றிகரமாக முடிந்துவிட்டதாகவும் சம்பளம் மற்றும் கால்ஷீட் தேதி குறித்து மட்டுமே பேசவேண்டியதுள்ளதாகவும் விரைவில் மஞ்சிமாமோகன் இந்த படத்தின் ஒப்பந்தத்தில் கையெழுத்திடுவார் என்றும் கூறப்படுகிறது.
இந்த படத்திற்கு யுவன்ஷங்கர் ராஜா இசையமைக்கவுள்ளார் என்ற செய்தியை ஏற்கனவே பார்த்தோம். மேலும் இந்த படத்தில் நடிக்கும் நடிகர்கள் மற்றும் தொழில்நுட்ப கலைஞர்களின் தேர்வு நடைபெற்று வருவதாகவும் இந்த படத்தின் முழுவிபரங்கள் இன்னும் ஓரிரு நாட்களில் தெரியவரும் என்றும் கூறப்படுகிறது.