நடிகர் சங்க வரலாற்றில் முதல்முறையாக யூனிபார்ம்
- IndiaGlitz, [Sunday,January 03 2016]
சமீபத்தில் நடைபெற்ற தென்னிந்திய நடிகர் சங்க தேர்தலில் நாசர் தலைமையிலான அணி வெற்றி பெற்று பதவி ஏற்றதில் இருந்தே பல மாறுதல்கள் செய்யப்பட்டு வருகிறது. புதிதாக பதவியேற்ற அனைவரும் கிட்டத்தட்ட இளைஞர்கள் என்பதால் நடிகர் சங்கத்தின் பணிகள் விறுவிறுப்பாக நடைபெற்று வருவதாக கூறப்படுகிறது.
இந்நிலையில் நடிகர் சங்கத்தில் பணிபுரியும் ஊழியர்களுக்கு முதல்முறையாக யூனிபார்ம் கொடுக்கப்பட்டுள்ளது. நடிகர் சங்கத்தின் இத்தனை வருட வரலாற்றில் இதுவரை ஊழியர்கள் யூனிபார்ம் அணிந்து பணிக்கு வந்ததில்லை.
இந்த யூனிபார்ம் வழங்கும் நிகழ்ச்சியில் சமீபத்தில் கலந்து கொண்ட நடிகர் சங்க செயலாலர் விஷால், தனது கையாலேயே அனைத்து ஊழியர்களுக்கும் யூனிபார்ம் வழங்கினார். நடிகர் சங்கம் எதிர்காலத்தில் இன்னும் பல ஆக்கபூர்வமான செயல்களில் ஈடுபடும் என எதிர்பார்க்கப்படுகிறது.