நடிகர் சங்க தேர்தல் பிரச்சாரம் உச்ச கட்டத்தில் இருக்கும் நிலையில் சரத்குமார் அணியை சேர்ந்தவர்கள் விஷாலை குறிவைத்தே பெரும்பாலும் விமர்சனம் செய்கின்றனர். நடிகை ராதிகா சமீபத்தில் செய்தியாளர்களை சந்தித்த போது 'விஷால் ரெட்டி' என்று அழுத்தமாக குறிப்பிட்டதை அனைவரும் அறிவர். மேலும் அவரை தொடர்ந்து பேசிய சிம்பு, விஷாலை ஒருமையிலும் நரி போன்று சூழ்ச்சி செய்தவர் என்றும் பேசியதால் பரபரப்பு ஏற்பட்டது.

இந்நிலையில் இதற்கு விளக்கம் கூறியுள்ள விஷால், 'எனக்கு ராதிகா மேடம் மேல தனிப்பட்ட கோபம் இல்லை. என்னை விஷால் ரெட்டி` என்று ராதிகா சொல்லி இருக்கார். நல்லது செய்யறதுக்கு சாதி, மதம் என்று எந்த அடையாளமும் தேவை இல்லை. நடிகர் சங்கத்தில் சாதி என்கிற பேச்சுக்கே இடமில்லை என்று கூறிய விஷால், என்னை ஒருமையில் பேசிய அந்த தம்பி சிம்பு மீதும் எனக்கு கோபம் இல்லை. சிம்புவின் இந்த பேச்சுக்கு நான் நன்றி கூறிக்கொள்கிறேன். சிம்புவின் இந்த பேச்சுக்கு பின்னர்தான் பாண்டவர் அணியின் வெற்றி உறுதியாகியுள்ளது.

சாதாரணமா வெற்றி பெற இருந்த எங்கள் அணியை மாபெரும் வெற்றி பெற உதவி செய்த ராதிகா மேடம் மற்றும் தம்பி சிம்புவுக்கு எனது நன்றி என்று விஷால் கூறியுள்ளார்.