விஷால் நடித்த ’வீரமே வாகை சூடும்’ திரைப்படம் சமீபத்தில் வெளியாகி நல்ல வரவேற்பை பெற்ற நிலையில் தற்போது அவர் ‘லத்தி’ என்ற திரைப்படத்தில் நடித்து வருகிறார் என்பதும் இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பதும் தெரிந்ததே.

விஷாலின் 32வது படமாக உருவாகி வரும் இந்த படத்தை அவருடைய நெருங்கிய நண்பர்களான நடிகர்கள் ராணா, ரமணா ஆகியோர் தயாரித்து வருகின்றனர். மேலும் வினோத்குமார் இந்த படத்தை இயக்கி வருகிறார்.

இந்த நிலையில் இந்த படத்தின் படப்பிடிப்பு சமீபத்தில் நடந்த போது ஸ்டண்ட் காட்சி ஒன்றில் நடித்தபோது தனக்கு காயம் ஏற்பட்டதாகவும் சின்ன சின்ன எலும்பு முறிவுகள் ஏற்பட்டுள்ளதால் இதுகுறித்த சிகிச்சைக்காகத் தான் கேரளா செல்ல இருப்பதாகவும் விரைவில் படக்குழுவுடன் இணைய இருப்பதாகவும் விஷால் தெரிவித்துள்ளார். மேலும் காயம் ஏற்பட்ட போது எடுத்த வீடியோவை அவர் தனது சமூக வலைத்தளத்தில் பகிர்ந்துள்ள நிலையில் அந்த வீடியோவை அதிர்ச்சியுடன் ரசிகர்கள் பார்த்து வருகின்றனர்.

விஷால் ஜோடியாக சுனைனா நடித்து வரும் இந்த படத்திற்கு சாம் சிஎஸ் இசையமைத்து வருகிறார். நீண்ட இடைவெளிக்குப் பின்னர் விஷால் மீண்டும் காவல்துறை அதிகாரி கேரக்டரில் நடித்து உள்ளதால் இந்த படத்தின் எதிர்பார்ப்பு அதிகரித்துள்ளது என்பது குறிப்பிடத்தக்கது.

Suffered multiple hairline fractures during the filming of this stunt sequence in #Laththi.
Off to #Kerala to rejuvenate myself!

Will join the crew for the final schedule from March first week 2022. GB. pic.twitter.com/L1pOByb6hZ

— Vishal (@VishalKOfficial) February 11, 2022