விஷாலின் 'மார்க் ஆண்டனி' சென்சார் மற்றும் ரன்னிங் டைம் குறித்த தகவல்..!
- IndiaGlitz, [Friday,September 08 2023]
விஷால் நடித்த ’மார்க் ஆண்டனி’ திரைப்படம் செப்டம்பர் 15ஆம் தேதி திரையரங்கில் வெளியாக இருக்கும் நிலையில் இந்த படத்தின் இறுதி கட்ட புரமோஷன் பணிகள் நடைபெற்று வருகிறாது.
இந்நிலையில் இந்த படத்தின் சென்சார் மற்றும் ரன்னிங் தகவல் குறித்த அறிவிப்பு வெளியாகியுள்ளது. ’மார்க் ஆண்டனி’ திரைப்படத்தை பார்த்த சென்சார் அதிகாரிகள் இந்த படத்திற்கு ’யூஏ’ சான்றிதழ் கொடுத்துள்ளனர். மேலும் இந்த படம் 150 நிமிடங்கள் ரன்னிங் டைம் என்றும் அதாவது 2 மணி நேரம் 30 நிமிடங்கள் என்றும் தெரியவந்துள்ளது.
ஏற்கனவே இந்த படத்தின் டிரைலர் சமீபத்தில் வெளியாகி நல்ல வரவேற்பு பெற்ற நிலையில் இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது. விஷால் மற்றும் எஸ்ஜே சூர்யா போட்டி போட்டு நடித்திருந்தது ட்ரைலரில் பார்க்க நேர்ந்த நிலையில் முழு படத்தையும் பார்க்க அனைவரும் ஆவலுடன் உள்ளனர்
ஆதிக் ரவிச்சந்திரன் இயக்கத்தில் ஜிவி பிரகாஷ் இசையில் உருவாகி உள்ள இந்த படத்தில் விஷால், எஸ்ஜே சூர்யா, சுனில், செல்வராகவன், ரிதுவர்மா, அபிநயா, ஒய்ஜி மகேந்திரன் உள்ளிட்ட பலர் நடித்துள்ளனர். இந்த படத்தை வினோத்குமார் தயாரித்துள்ளார்.