பொங்கல் ரிலீஸ் பட்டியலில் ஏற்கனவே 9 படங்கள் இருக்கும் நிலையில், தற்போது பத்தாவது படமாக விஷால் நடித்த படம் ரிலீஸ் ஆகும் என்று அறிவிக்கப்பட்டு, புதிய போஸ்டரும் வெளியாகி உள்ளது. அந்த போஸ்டர் தற்போது இணையத்தில் வைரல் ஆகி வருகிறது.

அஜித் நடித்த ’விடாமுயற்சி’ திரைப்படம் பொங்கல் தினத்தில் வெளியாகும் என்று கூறப்பட்ட நிலையில், பின்னர் திடீரென அந்த படம் பின்வாங்கியது. இதையடுத்து, பல திரைப்படங்கள் பொங்கல் ரிலீஸ் என அறிவிக்கப்பட்டது. அவற்றில் முக்கியமானவை ’கேம் சேஞ்சர்’, ’வணங்கான்’, ’காதலிக்க நேரமில்லை’, ’மெட்ராஸ் காரன்’ உள்ளிட்ட சில படங்கள் ஆகும்.

இந்த நிலையில், கடந்த 2012 ஆம் ஆண்டு விஷால் நடிப்பில், சுந்தர் சி இயக்கத்தில் உருவான ’மதகஜராஜா’ என்ற திரைப்படம் 12 ஆண்டுகளாக ரிலீஸ் ஆகாமல் இருந்தது. தற்போது, அந்த படம் பொங்கல் தினத்தில் ரிலீஸ் ஆகும் என்று நடிகர் சந்தானம் தனது சமூக வலைத்தளத்தில் அறிவித்துள்ளார்.

ஏற்கனவே பலமுறை இந்த படத்தின் ரிலீஸ் தேதி அறிவிக்கப்பட்டு பின்னர் தள்ளி வைக்கப்பட்ட நிலையில், இம்முறை இந்த படம் பொங்கல் தினத்தில் உறுதியாக ரிலீஸ் ஆகும் என்று தெரிகிறது.

விஷால் ஜோடியாக வரலட்சுமி மற்றும் அஞ்சலி நடித்துள்ள இத்திரைப்படத்தில் சந்தானம், நிதின் சத்யா, சடகோபன், ரமேஷ் உள்ளிட்ட பலர் நடித்துள்ளனர். விஜய் ஆண்டனி இசையமைத்துள்ள இந்த படம், விஷாலுக்கு இன்னொரு வெற்றி படமாக இருக்கும் என்று எதிர்பார்க்கப்படுகிறது.

Kings of Entertainment @VishalKOfficial #SundarC @iamsanthanam
A @vijayantony musical

are all set to make this Pongal a Laughter Festival.

Gemini Film Circuit’s#MadhaGajaRaja

worldwide release on Jan 12.#MadhaGajaRajaJan12
#MGR #மதகஜராஜா @johnsoncinepro pic.twitter.com/9gfRXMUkH0

— Santhanam (@iamsanthanam) January 3, 2025