சென்னை பாக்ஸ் ஆபீசில் பட்டையை கிளப்பிய விஷாலின் இரும்புத்திரை
- IndiaGlitz, [Monday,May 14 2018]
விஷால், சமந்தா, அர்ஜூன் நடிப்பில் இயக்குனர் பி.எஸ்.மித்ரன் இயக்கியுள்ள 'இரும்புத்திரை' திரைப்படம் கடந்த வெள்ளியன்று வெளியாகி மிகப்பெரிய வரவேற்பை பெற்றுள்ளது.
மத்திய அரசின் டிஜிட்டல் திட்டங்களால் ஏற்படும் அபாயங்களை இந்த படத்தில் விளக்கியுள்ள இயக்குனர், இதற்காக அவர் செய்த ஹோம்வொர்க்கிற்கு கிடைத்த வெற்றியாகவே கருதப்படுகிறது.
இந்த நிலையில் இந்த படத்தின் சென்னை ஓப்பனிங் வசூல் குறித்த தகவல்கள் வெளிவந்துள்ளது. இந்த படம் சென்னையில் 14 திரையரங்க வளாகங்களில் 196 காட்சிகள் திரையிடப்பட்டு ரூ.1,18,59,979 வசூல் செய்துள்ளது. மேலும் திரையரங்குகளில் 90% பார்வையாளர்கள் இருந்ததே இந்த படத்தின் வெற்றியாக பார்க்கப்படுகிறது