விஷால் நடித்து வரும் ;அயோக்யா' என்ற படத்தின் படப்பிடிப்பு கடந்த சில மாதங்களாக விறுவிறுப்பாக நடைபெற்று வருகிறது. இந்த நிலையில் இந்த படத்தின் படப்பிடிப்பு நேற்று விழுப்புரம் மவட்டத்திலுள்ள கூனிமேடு மசூதி அருகே நடைபெற திட்டமிடப்பட்டு அதற்கான ஏற்பாடுகள் அனைத்தும் முறையாக செய்யப்பட்டிருந்தது.

இந்த நிலையில் படப்பிடிப்புக்கு விஷால், நாயகி ராஷிகண்ணா உள்பட படக்குழுவினர் அனைவரும் படப்பிடிப்பு தளத்திற்கு சரியான நேரத்தில் வந்துவிட்டனர். ஆனால் நேற்று பாபரி மசூதி இடிக்கபட்ட நினைவு நாள் என்பதால் அசம்பாவிதம் ஏதும் நடக்க கூடாது என்று கருதி காவல் துறையினர் அங்கு படப்பிடிப்பு நடத்த அனுமதிக்கவில்லை. இதனால் நேற்றைய படப்பிடிப்பு ரத்து செய்யப்பட்டது. இந்த படப்பிடிப்பு ரத்தானதால் தயாரிப்பாளருக்கு பல லட்சங்கள் நஷ்டம் என கூறப்படுகிறது..

விஷால், ராஷிகண்ணா, பார்த்திபன், கேஎஸ் ரவிகுமார், சச்சு, வம்சி கிருஷ்ணா உள்பட பலர் நடித்து வரும் இந்த படத்தை வெங்கட்மோகன் இயக்கி வருகிறார். சாம் சிஎஸ் இசையமைத்து வரும் இந்த படத்தில் சன்னிலியோன் சிறப்பு தோற்றத்தில் நடித்துள்ளார் என்பது குறிப்பிடத்தக்கது