விஷாலின் 'அயோக்யா' ரிலீஸ் தேதி அறிவிப்பு
- IndiaGlitz, [Monday,April 08 2019]
விஷால் நடித்த 'அயோக்யா' திரைப்படத்தின் ரிலீஸ் தேதி இன்று இரவு 7 மணிக்கு அறிவிக்கப்படவுள்ளதாக நேற்றே செய்திகள் வெளிவந்தது
இந்த நிலையில் சற்றுமுன் 'அயோக்யா' திரைப்படம் வரும் மே மாதம் 10ஆம் தேதி வெளியாகும் என அதிகாரபூர்வமாக அறிவிக்கப்பட்டுள்ளது. இதனையடுத்து இந்த படத்தின் புரமோஷன் பணிகளும் வெகுவிரைவில் தொடங்கவுள்ளது
விஷால், ராஷிகண்ணா, பார்த்திபன், கே.எஸ்.ரவிகுமார், சச்சு, வம்சி கிருஷ்ணா, சோனியா அகர்வால், ஆர்ஜே பாலாஜி உள்பட பலர் நடித்துள்ள இந்த படத்தை வெங்கட்மோகன் இயக்கியுள்ளார். சாம் சிஎஸ் இசையில் விஷ்ணு ஒளிப்பதிவில் ஸ்ரீகர் பிரசாத் படத்தொகுப்பில் உருவாகி வரும் இந்த படத்தை விஷால் பிலிம் பேக்டரி நிறுவனம் தயாரித்துள்ளது.