விஷால், தமன்னா நடிப்பில் சுந்தர் சி இயக்கத்தில் உருவாகியுள்ள ’ஆக்சன்’ என்ற திரைப்படத்தின் படப்பிடிப்பு மற்றும் போஸ்ட் புரடொக்ஷன் பணிகள் முடிவடைந்து ரிலீஸூக்கு தயார் நிலையில் உள்ளது

இந்த நிலையில் இந்த படத்தின் டீசர் சமீபத்தில் வெளியாகி நல்ல வரவேற்பை பெற்றதை அடுத்து தீபாவளி கழித்து புரமோஷன் பணிகளையும் தொடங்கப்படவுள்ளது. இந்த நிலையில் ‘ஆக்சன்’ திரைப்படம் வரும் நவம்பர் 15ஆம் தேதி வெளியாகவிருப்பதாக நம்பத்தகுந்த வட்டாரங்களில் இருந்து செய்திகள் வெளியாகியுள்ளது.

விஜய்யின் பிகில் மற்றும் கார்த்தியின் கைதி ஆகிய திரைப்படங்கள் அக்டோபர் 25ஆம் தேதி வெளியாகவுள்ள நிலையில் சுமார் 20 நாட்கள் இடைவெளியில் ஆக்சன் திரைப்படம் வெளியாகவுள்ளது என்பது குறிப்பிடத்தக்கது

விஷால், தமன்னா, கபீர் சிங், ஐஸ்வர்யா லட்சுமி, யோகி பாபு, சாயாசிங், ராம்கி, பழகருப்பையா உள்பட பலர் நடித்துள்ள இந்த படத்திற்கு ஹிப் ஹாப் தமிழா ஆதி இசை அமைத்துள்ளார். டட்லி ஒளிப்பதிவில் ஸ்ரீகாந்த் படத்தொகுப்பில் உருவாகி வரும் இந்த படத்தை டிரைடெண்ட் ஆர்ட்ஸ் நிறுவனத்தின் ரவீந்திரன் தயாரித்துள்ளார்