விஷாலின் மேலும் ஒரு மகத்தான உதவி
- IndiaGlitz, [Monday,November 07 2016]
நடிகர் சங்கத்தின் புதிய நிர்வாகிகள் பொறுப்பேற்று ஒரு வருடம் நிறைவு பெற்றுள்ள நிலையில் நடிகர் சங்கத்தின் மூலம் நலிந்த நடிகர், நடிகைகளுக்கு பெரும் உதவி செய்யப்பட்டு வருகிறது என்பதை அவ்வப்போது வெளிவந்து கொண்டிருக்கும் செய்திகளை பார்த்து வருகிறோம்.
இந்நிலையில் நடிகர் சங்கத்தின் பொதுச்செயலாளர் விஷால் நலிந்த நடிகர், நடிகைகளுக்கு மட்டுமின்றி பிற துறையினர்களுக்கும், பொதுமக்களுக்கும் அவ்வப்போது தனது தேவி அறக்கட்டளை மூலம் தன்னால் இயன்ற உதவியை செய்து வருகிறார்.
இந்நிலையில் பிரபல தனியார் தொலைக்காட்சி ஒன்றின் முதன்மை செய்தியாளர் சாலமோன் மோகன் தாஸ் அவர்களின் இதய அறுவை சிகிச்சைக்காக விஷால் தன்னுடைய தேவி அறக்கட்டளையின் மூலம் பண உதவி செய்துள்ளார். விஷாலின் பொதுச்சேவை பணி தொடர்ந்து சிறப்பாக நடைபெற அவருக்கு சமூக வலைத்தளங்களில் வாழ்த்துக்கள் குவிந்து வருகிறது.