சமீபத்தில் மரணம் அடைந்த நகைச்சுவை நடிகர் அல்வா வாசு அவர்களின் குடும்பத்தினர் வறுமையின் பிடியில் இருப்பதால் அவரது குடும்பத்திற்கு நிதியுதவி அளிக்க வேண்டும் என்றும் அவருடைய குழந்தைகளின் படிப்பு செலவிற்கு நடிகர் சங்கம் உதவிட வேண்டும் என்றும் கோரிக்கைகள் எழுந்தன.

இந்த நிலையில் நடிகர் சங்க செயலாளர் விஷால் தனது தேவி அறக்கட்டளையில் இருந்து அல்வா வாசுவின் மகள் படிப்பு செலவிற்காக ரூ.1 லட்சம் நிதியுதவி செய்துள்ளார். விஷாலின் இந்த உதவிக்கு அல்வா வாசு குடும்பத்தினர் நன்றி தெரிவித்துள்ளனர். மேலும் நடிகர் சங்கத்தில் இருந்தும் மேலும் சில உதவிகள் அவருடைய குடும்பத்திற்கு கிடைக்கும் என எதிர்பார்க்கப்படுகிறது.

ஏற்கனவே அல்வா வாசு உடல்நலமின்றி மதுரை மருத்துவமனையில் சிகிச்சை பெற்றபோது நடிகர் சங்கத்தில் இருந்து ரூ.20 ஆயிரம் மருத்துவ செலவிற்காக நிதியுதவி அளிக்கப்பட்டது என்பது குறிப்பிடத்தக்கது.