ஜெயலலிதா நினைவு தினம்: விஷால் மரியாதை
- IndiaGlitz, [Tuesday,December 05 2017]
முன்னாள் முதல்வர் ஜெயலலிதா மரணம் அடைந்து இன்றுடன் ஒரு ஆண்டு பூர்த்தி ஆனதை அடுத்து இன்று காலை முதல் அதிமுக தொண்டர்களும், பொதுமக்களும் ஜெயலலிதாவின் சமாதிக்கு சென்று மாலை, மரியாதை செய்து வருகின்றனர். முதல்வர் எடப்பாடி பழனிசாமி, துணை முதல்வர் ஓ.பன்னீர்செல்வம் உள்பட அனைத்து அமைச்சர்களும் இன்று ஜெயலலிதா சமாதி முன் உறுதிமொழி எடுத்து கொண்டனர்.
இந்த நிலையில் ஜெயலலிதா மீது மிகுந்த மரியாதை வைத்துள்ள நடிகர் சங்க செயலாளரும், தயாரிப்பாளர் சங்க தலைவருமான விஷால் இன்று அவரது நினைவு நாளை முன்னிட்டு அவருடைய அலுவலகத்தில் ஜெயலலிதாவின் படத்துக்கு மாலை அணிவித்து மரியாதை செலுத்தினார்.
ஜெயலலிதா போட்டியிட்டு வெற்றி பெற்ற ஆர்.கே.நகர் தொகுதி வேட்பாளர்களில் விஷாலும் ஒருவர் என்பது குறிப்பிடத்தக்கது.