நடிகர் விஷால் அமெரிக்காவின் கலிபோர்னியா மருத்துவமனையில் அனுமதிக்கப்பட்டிருப்பதாகவும், அவருக்கு எந்தவிதமான நோய் என்பது தெரியவில்லை என்றும் பல்வேறு வதந்திகள் இணையதளங்களில் கடந்த சிலநாட்களாக பரவி வந்தது

இந்த நிலையில் 'அவன் இவன்' படத்தில் விஷால் மாறுகண் வேடத்தில் மிகுந்த சிரமப்பட்டு நடித்தபோது அவருக்கு கண் மற்றும் மூளைக்கு செல்லும் நரம்பில் பாதிப்பு ஏற்பட்டதாகவும், அதன் காரணமாக அவருக்கு அடிக்கடி ஏற்படும் தலைவலிக்கு சிகிச்சை செய்யவே அவர் கலிபோர்னியா சென்றுள்ளதாகவும் வெளிவந்த செய்தியினை நாம் ஏற்கனவே பார்த்தோம்

இந்த நிலையில் தனது உடல்நிலை குறித்து பரவி வரும் வதந்திகளுக்கு முற்றுப்புள்ளி வைக்கும் வகையில் சற்றுமுன் விஷால் தனது சமூக வலைத்தளத்தில் விளக்கம் அளித்துள்ளார். அதில் அவர் கூறியிருப்பதாவது: நான் மருத்துவமனையில் அனுமதிக்கப்பட்டிருப்பதாக கடந்த சில நாட்களாக வதந்தி பரவி வருகிறது. என்னுடைய நண்பர்கள், ரசிகர்கள் ஆகியோர் முதலில் தெரிந்து கொள்ள வேண்டியது என்னவெனில் நான் முற்றிலும் நலமுடன் உள்ளேன். எனக்கு ஏற்பட்ட ஒற்றை தலைவலி காரணமாக கிச்சை பெற்று தற்போது ஓய்வு எடுத்து வருகிறேன். வரும் மார்ச் முதல் வாரத்தில் நான் வந்துவிடுவேன் என்று கூறியுள்ளார். விஷாலின் இந்த விளக்கத்தை அடுத்து வதந்திகளுக்கு முற்றுப்புள்ளி வைத்தாகிவிட்டதாகவே கருதப்படுகிறது.