துப்பறிவாளராக களமிறங்கிய விஷால்: அதிகாரபூர்வ அறிவிப்பு
- IndiaGlitz, [Tuesday,March 10 2020]
நடிகர் விஷால் நடிப்பில் மிஷ்கின் இயக்கிய ’துப்பறிவாளன்’ திரைப்படம் கடந்த 2017ஆம் ஆண்டு வெளியாகி மிகப்பெரிய வெற்றி பெற்ற நிலையில் இந்த படத்தின் இரண்டாம் பாகமான ‘துப்பறிவாளன் 2’ படத்தின் படப்பிடிப்பு சமீபத்தில் தொடங்கியது. லண்டனில் முதல்கட்ட படப்பிடிப்பு முடிவடைந்த நிலையில் இந்த படத்தின் அடுத்தகட்ட படப்பிடிப்பு விரைவில் தொடங்கும் என்று எதிர்பார்க்கப்பட்டது.
இந்த நிலையில் திடீர் திருப்பமாக விஷால் மற்றும் இயக்குனர் மிஷ்கின் ஆகியோருக்கு இடையே கருத்து வேறுபாடு ஏற்பட்டதால் இந்த படத்தில் இருந்து மிஷ்கின் விலகியதாக கூறப்பட்டது. இதனை அடுத்து விஷாலே இந்த படத்தை இயக்குவார் என்றும் செய்திகள் வெளியாகின.
இந்த நிலையில் சற்று முன்னர் விஷால் தனது ’விஷால் பிலிம் பேக்டரி’ நிறுவனத்தின் சமூக வலைப்பக்கத்தில் விஷால் இந்த படத்தை இயக்குவது உறுதி செய்யப்பட்டுள்ளது. இன்று வெளியகியுள்ள போஸ்டர் ஒன்றில் விஷால் மற்றும் இளையராஜா பெயர்கள் மட்டுமே உள்ளது என்பதும் மிஷ்கின் பெயர் இல்லை என்பதும் குறிப்பிடத்தக்கது. மேலும் இந்த படத்தின் ஃபர்ஸ்ட் லுக் போஸ்டர் நாளை வெளியாக இருப்பதாகவும் அதில் குறிப்பிடப்பட்டுள்ளது.
Here We Go !!!#Thupparivaalan2FirstLook from tomorrow #Thupparivaalan2 #Detective2 #Thupparivaalan2FL @VishalKOfficial pic.twitter.com/wGi8uXKsfe
— Vishal Film Factory (@VffVishal) March 10, 2020