విశాల్ డైరెక్ష‌న్‌
- IndiaGlitz, [Friday,November 09 2018]
హీరో, నిర్మాత‌గా రాణిస్తున్న విశాల్ మరో ప‌క్క న‌డిగ‌ర్ సంఘం ప్ర‌ధాన కార్య‌ద‌ర్శిగా, నిర్మాత‌ల సంఘం అధ్య‌క్షుడిగా కూడా బాధ్య‌త‌ల‌ను నిర్వ‌హిస్తున్నారు. ఇవ‌న్నీ కాకుండా వ‌చ్చే ఏడాది జ‌న‌వ‌రిలో ఆయ‌న ద‌ర్శ‌క‌త్వం చేయ‌బోతున్నారు. వివ‌రాల్లోకెళ్తే.. వీధి కుక్క‌ల నేప‌థ్యంలో ఓ సినిమాను విశాల్ తెర‌కెక్కించ‌నున్నారు.
విశాల్ చిన్న కుక్క‌పిల్ల‌ను ఎత్తుకున్న ఫోటోను షేర్ చేస్తూ సినీ వ‌ర్గాలు విష‌యాన్ని ట్విట్ట‌ర్ ద్వారా వెల్ల‌డించాయి. గ‌తంలో వీధి కుక్కుల కార‌ణంగా మ‌నుషులు ప్రాణాలు కోల్పోతున్నార‌ని కేర‌ళ ప్ర‌భుత్వం అదేశాలు జారీ చేసిన‌ప్పుడు విశాల్ దాన్ని ఖండించ‌డ‌మే కాకుండా ఓ రోజు నిరాహార‌దీక్ష కూడా చేశారు.