விஷால்-மிஷ்கின் துப்பறிவாளன் படப்பிடிப்பு தொடங்கும் தேதி
- IndiaGlitz, [Thursday,August 25 2016]
விஷால், தமன்னா நடித்து வரும் 'கத்திச்சண்டை' படத்தின் படப்பிடிப்பு இறுதிக்கட்டத்தில் உள்ள நிலையில் இந்த படம் வரும் தீபாவளி தினத்தில் வெளியாகும் என்று எதிர்பார்க்கப்படுகிறது.
இந்நிலையில் விஷாலின் அடுத்த படத்தின் படப்பிடிப்பு தொடங்கும் தேதி குறித்த தகவல் தற்போது வெளிவந்துள்ளது. 'கத்திச்சண்டை' படத்திற்கு பின்னர் மிஷ்கின் இயக்கத்தில் அவர் 'துப்பறிவாளன்' என்ற படத்தில் நடிக்கவுள்ளார் என்பதை ஏற்கனவே பார்த்தோம்.
இந்நிலையில் 'துப்பறிவாளன்' திரைப்படம் வரும் செப்டம்பர் 12ஆம் தேதி தொடங்கும் என எதிர்பார்க்கப்படுகிறது. படப்பிடிப்பு தொடங்குவதற்கான ஆரம்பகட்ட பணிகள் விறுவிறுப்பாக நடந்து வருவதாக மிஷ்கின் தரப்பும் உறுதி செய்துள்ளது.
விஷாலுக்கு ஜோடியாக முதல்முறையாக ராகுல் ப்ரித்திசிங் நடிக்கவுள்ள இந்த படத்திற்கு அரோல் கரோலி இசையமைக்கவுள்ளார். இவர் ஏற்கனவே மிஷ்கினின் 'பிசாசு' படத்திற்கு இசையமைத்தவர் என்பது குறிப்பிடத்தக்கது. விஷால் பிலிம் பேக்டரி இந்த படத்தை தயாரிக்கின்றது.