விஷால், கார்த்தி, சாயிஷா நடிப்பில் பிரபுதேவா இயக்கத்தில் பிரபல தயாரிப்பாளர் ஐசரி கணேஷ் தயாரிப்பில் ’கருப்பு ராஜா வெள்ளை ராஜா’ என்ற திரைப்படம் உருவாக்க திட்டமிடப்பட்டது. இந்த படத்தில் கிடைக்கும் லாபம் அனைத்தும் நடிகர் சங்க கட்டிடத்தின் பணிக்கு வழங்கப்படும் என ஒப்பந்தம் செய்யப்பட்டு இந்த படம் தொடங்கப்பட்டது

இந்த படத்தின் முதல் கட்டப் பணிகள் நடந்த நிலையில் விஷால் இந்த படத்தில் நடிக்க வரவில்லை என ஐசரி கணேஷ் தற்போது புகார் கூறியுள்ளார். நடிகர் சங்க கட்டிடத்தின் பணி முழுமையாக முடிவடைய வேண்டும் என்றால் அவர் இந்த படத்தில் நடிக்க வேண்டும் என்றும் அவர் கேட்டுக் கொண்டார்

மேலும் நடிகர் சங்க தேர்தல் செல்லாது என சமீபத்தில் சென்னை ஐகோர்ட்டு உத்தரவிட்ட நிலையில் விஷால் இந்த தீர்ப்பை எதிர்த்து மேல்முறையீடு செய்ய இருப்பதாக கூறப்படுகிறது. அவர் மேல்முறையீடு செய்தால் அந்த வழக்கு முடிய காலதாமதம் ஆகும் என்றும் அதனால் நடிகர் சங்க கட்டிடத்தில் பணிகள்தான் பாதிக்கும் என்றும் எனவே அவர் மேல்முறையீடு செய்யாமல் தேர்தலை சந்திக்க வேண்டும் என்றும் ஐசரி கணேஷ் கேட்டுக்கொண்டுள்ளார் என்பது குறிப்பிடத்தக்கது