தென்னிந்திய நடிகர் சங்கத் தேர்தல் நடத்தப்பட்டது செல்லாது என்றும் அந்தத் தேர்தலுக்கு பதிலாக புதிய தேர்தல் இன்னும் மூன்று மாதத்திற்குள் நடத்த வேண்டும் என்று சென்னை உயர்நீதிமன்றம் இன்று மாலை தீர்ப்பளித்தது. இந்த நிலையில் இந்த தீர்ப்பை எதிர்த்து வரும் திங்கட்கிழமை மேல்முறையீடு செய்யப்போவதாக பாண்டவர் அணியின் விஷால் அதிரடியாக அறிவித்துள்ளார். எனவே நடிகர் சங்க தேர்தல் வழக்கு இன்னும் நீண்டு கொண்டே செல்லும் போல் தெரிகிறது

இந்த நிலையில் மேல்முறையீடு செல்லாமல் புதிய தேர்தலை விஷால் அணியினர் சந்திக்க வேண்டும் என நடிகர் ராதாரவி கருத்து கூறியுள்ளார். இதுகுறித்து அவர் மேலும் கூறியபோது, ‘விஷால் அணி காலதாமதமாக தேர்தல் நடத்தியது தவறு என்றும் அந்தத் தேர்தலில் நிறைய குளறுபடிகள் இருந்ததாகவும் கூறினார்

இந்த வழக்கை உச்ச நீதிமன்றத்துக்கு கொண்டு சென்றால் அந்த வழக்கு முடிய மூன்று வருடங்கள் ஆகிவிடும் என்றும் எனவே மேல்முறையீடு செல்லாமல் விஷால் அணியினர் தேர்தலை சந்திக்க வேண்டும் என்றும் அவர் கேட்டுக் கொண்டுள்ளார். ராதாரவியின் கோரிக்கையை விஷால் அணியினர் ஏற்பார்களா? என்பதை பொறுத்திருந்து பார்ப்போம்