எச்.ராஜாவை கடவுள் ஆசிர்வாதிக்கட்டும்: விஷால்
- IndiaGlitz, [Thursday,March 08 2018]
தந்தை பெரியார் சிலை குறித்து பாஜகவின் மூத்த தலைவர் எச்.ராஜா தனது ஃபேஸ்புக்கில் கூறிய கருத்துக்கு கடந்த இரண்டு நாட்களாக கடும் கண்டனங்கள் அரசியல் கட்சிகளிடம் இருந்து வந்த நிலையில் தற்போதுதான் திரையுலகினர்களிடம் இருந்து எதிர்ப்பு வெளிவந்து கொண்டிருக்கின்றது
இன்று காலை சூப்பர் ஸ்டார் ரஜினிகாந்த், சிலை குறித்த கருத்து, சிலையை உடைப்பது இரண்டும் காட்டுமிராண்டித்தனமானது என்று கூறிய நிலையில் தற்போது நடிகர் விஷால் தனது சமூக வலைத்தளத்தில் இதுகுறித்து கருத்து தெரிவித்துள்ளார். அவர் கூறியதாவது:
தந்தை பெரியார் சிலை உடைக்கப்படுவது குறித்த ராஜாவின் கருத்து கண்டிக்கத்தக்கது. நீங்கள் எந்தவொரு தலைப்பிலும் கருத்துத் தெரிவிக்கும் ஒவ்வொரு முறையும் பிரச்சனையை உருவாகுகிறீர்கள். உங்களது கருத்து இதுவரை சரியாக இல்லை. இனிமேலாவது நீங்கள் இதனை புரிந்து கொள்ள வேண்டும் என நம்புகிறேன். அதற்கு உங்களுக்கு கடவுள் ஆசிர்வதிக்கட்டும்' என்று கூறியுள்ளார்.