நடிகர் சங்க தேர்தலில் திடீர் மோதல். விஷால் தாக்கப்பட்டதாக தகவல்.
- IndiaGlitz, [Sunday,October 18 2015]
தென்னிந்திய நடிகர் சங்க தேர்தல் இன்று காலை முதல் அமைதியாக நடந்து வந்த நிலையில், திடீரென சற்று முன்னர் விஷால் மற்றும் சரத்குமார் அணிகளிடையே மோதல் ஏற்பட்டதாகவும், இந்த மோதலில் விஷால் தாக்கப்பட்டதாகவும், இதன் காரணமாக விஷால் காயம் அடைந்திருப்பதாகவும் கூறப்படுகிறது.
நடிகர் அல்லாத ஒருவர் தன்னை தாக்கியதாக விஷால் கூறியதாக தகவல்கள் வந்துள்ளது. மேலும் இந்த தேர்தலில் முறைகேடு நடந்திருப்பதாக இரு அணியினர்களும் பரஸ்பரம் குற்றம் சாட்டியுள்ளனர்.. விஷாலின் இடது கையில் காயம் ஏற்பட்டுள்ளதாகவும் தகவல்கள் வெளிவந்துள்ளது.
காவல்துறையினர் இருதரப்பினர்களையும் சமாதானப்படுத்தும் முயற்சியில் ஈடுபட்டுள்ளதாகவும் தகவல்கள் வெளிவந்துள்ளது.