'డిటెక్టివ్'గా విశాల్
- IndiaGlitz, [Tuesday,September 19 2017]
పందెం కోడి చిత్రంతో తెలుగువారికి చేరువైన త‌మిళ కథానాయకుడు విశాల్. ఆ త‌రువాత పొగ‌రు, భ‌ర‌ణి, ప‌ల్నాడు, పూజ త‌దిత‌ర చిత్రాల‌తో ఇక్క‌డ మార్కెట్‌ని పెంచుకున్నాడు.
పూజ త‌రువాత స‌రైన విజ‌యం లేన‌ప్ప‌టికీ.. ఆయ‌న చిత్రాలు కాస్త ఆల‌స్యంగానైనా తెలుగులో విడుద‌ల‌వుతున్నాయి. త్వ‌ర‌లోనే ఆయ‌న ఇక్క‌డి ప్రేక్ష‌కుల‌ను మ‌రో చిత్రంతో ప‌ల‌క‌రించ‌నున్నారు. డిటెక్టివ్ పేరుతో రానున్న ఆ సినిమా త్వ‌ర‌లోనే ప్రేక్ష‌కుల ముందుకు రానుంది.
త‌మిళంలో తుప్ప‌రివాల‌న్ పేరుతో తెర‌కెక్కి గ‌త గురువారం విడుద‌లైన ఈ చిత్రం హిట్ టాక్ తెచ్చుకోవ‌డ‌మే కాకుండా క‌లెక్ష‌న్ల విష‌యంలోనూ దూసుకెళ్తోంది. కేర‌ళ‌లోనూ వసూళ్లు బాగున్నాయి.
తెలుగులో డ‌బ్బింగ్ అవుతున్న ఈ సినిమా ఇక్క‌డ కూడా హిట్ అవుతుందేమో చూడాలి. మ‌జ్ను ఫేం అను ఇమ్మానియేల్ క‌థానాయిక‌గా న‌టించిన ఈ చిత్రానికి మిస్కిన్ ద‌ర్శ‌క‌త్వం వ‌హించాడు.