'நா ரெடி தான் வரவா': விஜய் பாடலுடன் ரிலீஸ் தேதியை அறிவித்த விஷால்..!
- IndiaGlitz, [Tuesday,July 04 2023]
விஜய் நடித்து வரும் ’லியோ’ படத்தில் இடம்பெற்ற ’நா ரெடி தான் வரவா’ என்ற பாடல் சமீபத்தில் வெளியாகி மிகப்பெரிய அளவில் ஹிட் ஆகியுள்ள நிலையில் அந்த பாடலை கொண்டு தனது அடுத்த திரைப்படத்தின் ரிலீஸ் தேதியை நடிகர் விஷால் தனது சமூக வலைதள பக்கத்தில் வெளியிட்டுள்ளார்.
நடிகர் விஷால் நடிப்பில் ஆதிக் ரவிச்சந்திரன் இயக்கத்தில் உருவாகி வந்த திரைப்படம் ’மார்க் ஆண்டனி’. இந்த படத்தின் படப்பிடிப்பு முடிவடைந்து கடந்த சில மாதங்களாக தொழில்நுட்ப பணிகள் விறுவிறுப்பாக நடைபெற்று வருகிறது.
இந்த நிலையில் இந்த படத்தின் ரிலீஸ் தேதி இன்று மாலை 5 மணிக்கு அறிவிக்கப்படும் என ஏற்கனவே விஷால் தெரிவித்து இருந்த நிலையில் சற்றுமுன் ’நா ரெடி தான் வரவா’ என்ற பாடலின் வரியோடு விநாயகர் சதுர்த்தி திருவிழாவின்போது இந்த படம் வெளியாகும் என்று அறிவித்துள்ளார்.
ஏற்கனவே விநாயகர் சதுர்த்தி திருவிழாவின் போது தான் ராகவா லாரன்ஸ் நடிப்பில் பி வாசு இயக்கத்தில் உருவான ’சந்திரமுகி 2’ ரிலீஸ் ஆகும் என்று அறிவிக்கப்பட்டிருந்தது. இதையடுத்து இரு படங்களும் ஒரே நாளில் ரிலீஸ் ஆவது தற்போது உறுதி செய்யப்பட்டுள்ளது.
டைம் டிராவல் கதையம்சம் கொண்ட ’மார்க் ஆண்டனி’ திரைப்படத்தில் விஷால், எஸ்ஜே சூர்யா, சுனில், செல்வராகவன், ரிதுவர்மா, அபிநயா, ஒய்ஜி மகேந்திரன் உள்ளிட்ட பலர் நடித்துள்ளனர். இந்த படத்தை வினோத்குமார் தயாரித்துள்ளார். ஜிவி பிரகாஷ் இசையில் இந்த படம் உருவாகியுள்ளது.
#MarkAntony Vinayagar chaturthi release da mamae @iam_SJSuryah Naa Ready Dha Varava?? pic.twitter.com/5NjfKawLLZ
— Vishal (@VishalKOfficial) July 4, 2023