விஷால் நடிப்பில் பிரபல இயக்குனர் மிஷ்கின் இயக்கி வரும் 'துப்பறிவாளன்' படத்தின் படப்பிடிப்பு சிதம்பரம் அருகே விறுவிறுப்பாக நடந்து கொண்டிருக்கின்றது. படப்பிடிப்பின் இடையே சிதம்பரம் பகுதியை சுற்றியுள்ள கிராமங்களில் உள்ள பள்ளிகளுக்கு சென்று அங்கு கல்வி பயின்று வரும் மாணவ, மாணவிகளுக்கு தனது தேவி அறக்கட்டளை மூலம் விஷால் பல உதவிகளை செய்து வருகிறார் என்பதை ஏற்கனவே பார்த்தோம்.

இந்த நிலையில் நேற்று நாடு முழுவதும் சிவராத்திரி கொண்டாடப்பட்ட நிலையில் விஷால், பிரசன்னா, ஆண்ட்ரியா உள்பட துப்பறிவாளன்' படக்குழுவினர் உலகப்புகழ் பெற்ற சிதம்பரம் நடராஜர் கோவிலுக்கு சென்று சாமி தரிசனம் செய்தனர்.

விஷால், வினய், பிரசன்னா, அனு இமானுவேல், ஆண்ட்ரியா, பாக்யராஜ் உள்பட பலர் நடித்து வரும் இந்த படத்திற்கு அரோல் கரோலி இசையமைத்து வருகிறார். விஷால் பிலிம் பேக்டரி இந்த படத்தை தயாரித்து வருகிறது.