శ‌ర‌త్ కుమార్ పై పోలీసుల‌కు ఫిర్యాదు చేసిన విశాల్
- IndiaGlitz, [Friday,March 04 2016]
శ‌ర‌త్ కుమార్ పై హీరో విశాల్ పోలీసుల‌కు ఫిర్యాదు చేసాడు. ఇంత‌కీ విశాల్ ఫిర్యాదు చేయ‌డానికి కార‌ణం ఏమిటంటే...న‌డిగ‌ర్ సంఘం ఎన్నిక‌లు వివాద‌స్ప‌ద‌మైన విష‌యం తెలిసిందే. ఈ ఎన్నిక‌ల్లో శ‌ర‌త్ కుమార్ వ‌ర్గం పై విశాల్ వ‌ర్గం గెలుపొందింది. అప్ప‌టి నుంచి వీరిద్ద‌రికి భేధాభిప్రాయాలు వ‌చ్చాయి.
అయితే ఎన్నిక‌లు జ‌రిగి చాలా రోజులు అయినా...వీరిద్ద‌రి మ‌ధ్య పోరు మాత్రం ఆగ‌లేదు. అయితే గ‌తంలో న‌డిగ‌ర్ సంఘం అధ్య‌క్షుడిగా ప‌నిచేసిన శ‌ర‌త్ కుమార్ అవినీతికి పాల్ప‌డ్డారంటూ విశాల్ వ‌ర్గం చెన్నై పోలీస్ క‌మీష‌నర్ కు ఫిర్యాదు చేసారు. కోట్లాది రూపాయ‌ల అవినీతికి పాల్ప‌డ్డారంటూ ఫిర్యాదులో పేర్కొన్నారు. అయితే శ‌ర‌త్ కుమార్ మాత్రం లెక్క‌లు అన్నీ అప్ప‌చెప్ప‌న‌ని..కావాల‌నే త‌న‌పై కుట్ర చేస్తున్నారంటూ ఆరోపిస్తున్నారు. దీంతో కోలీవుడ్ వాతావ‌ర‌ణం వేడెక్కింది. మ‌రి...చెన్నై పోలీసులు ఈ స‌మ‌స్య‌ను ఎలా ప‌రిష్క‌రిస్తారో చూడాలి.