கடந்த 2015ஆம் ஆண்டு வெளிவந்த 'டெம்பர்' தெலுங்கு படம் மிகப்பெரிய வெற்றியை அடைந்தது. ஜூனியர் என்.டி.ஆர், காஜல் அகர்வால் நடித்த இந்த படத்தை பூரிஜெகந்நாத் இயக்கியிருந்தார்

இந்த படத்தின் வெற்றியை அடுத்து இந்த படம் பலமொழிகளில் ரீமேக் செய்யவுள்ளதாக செய்திகள் வெளிவந்தது. குறிப்பாக இந்த படம் இந்தியில் ரீமேக் செய்யப்படவுள்ளதாகவும், இந்த படத்தில் ரன்வீர்சிங் மற்றும் சயித் அலிகான் மகள் சாரா அலிகான் நடிக்கவுள்ளதாகவும், இந்த படத்தை ரோஹித் ஷெட்டி இயக்கவுள்ளதாகவும் உறுதி செய்யப்பட்ட தகவல்கள் வெளிவந்துள்ளது.

இந்த நிலையில் இதே டெம்பர் திரைப்படம் தமிழிலும் ரீமேக் செய்யப்படவுள்ளது. இதில் ஜுனியர் என்.டி.ஆர் வேடத்தில் விஷால் மற்றும் காஜல் அகர்வால் வேடத்தில் ராஷி கண்ணா நடிக்கவுள்ளனர். இந்த படத்தை ஏ.ஆர்.முருகதாஸ் இயக்கிய 'ஸ்பைடர் ' படத்தில் இணை இயக்குனராக பணிபுரிந்த வெங்கட்மோகன் இயக்கவுள்ளார். சாம் சி.எஸ் இசையில் உருவாகவுள்ள இந்த படத்தை லைட் ஹவுஸ் மூவிமேக்கர் நிறுவனம் தயாரிக்கவுள்ளது. இந்த படம் குறித்த அதிகாரபூர்வ அறிவிப்பு விரைவில் வெளிவரவுள்ளது.